Моонньоҕон туһата элбэх

Ааптар: 
Бөлөххө киир:

Горнай улууһун Бэрдьигэстээх бөһүөлэгэр олорор педагогическай үлэ бэтэрээнэ, үөрэҕирии туйгуна Елизавета Николаевна Слепцова тиэргэнигэр 20- тахса сыл моонньоҕон хас да көрүҥүн үүннэрэн дьоҥҥо тарҕатар, оҕолорун, аймахтарын күндүлүүр.

Саамай сөбүлээн үүннэрэр моонньоҕонун суорда- учуонай-селекционер Черткова Мария Алексеевна саадыгар үүннэриллибит «Хара кыталык» моонньоҕон уктара буолаллар.

Елизавета Николаевна моонньоҕон олордуон баҕалаахтарга судургу сүбэлэри биэрэр:

  • Тиэргэҥҥэ олордубут моонньоҕоннору эрдэттэн уу кутан бүөбэйдээтэххитинэ, күлүнэн эбии аһаттаххытына үрдүк үүнүүнү биэрэр.
  • Күһүн эрдэ сүрүн лабаатыттан 1/3 үнүгэһи ылан туспа буорга 50х50 дьаама хаһан олордоҕут, күһүн хойукка диэри силиһэ тэнийэн бөҕө-таҕа буола улаатар.
  • Моонньоҕону ыарыыттан эмтээһиҥҥэ хара мыылалаах ууга күлү кутан эмтиир туһалаах.

Маны сэргэ, кини моонньоҕон угун, рябина, акация сиэмэлэриттэн үүннэрэн атыылыырын дьон үөрэ-көтө ылан олордор.

Моонньоҕон отонун, сэбирдэҕин араас ыарыыга туһаналлар. Ол иһигэр, тымныйыыга, сөтөлгө эмиэ. Моонньоҕон отонун көөнньөрөн (үс улахан ньуоска отону ыстакаан ууга)  сөтөлгө, тымныйыыга ыстакаан аҥаардыытынан күҥҥэ үстэ иһэргэ сүбэлииллэр.  Сэбирдэҕэ эмиэ С уонна В  битэмииннээх.

Олоҕун аргыһа Марк Петрович Слепцов олоҕун тухары саха хотуурун историятын үөрэппитэ, «Хотуур – тэлэр дьарыгым» диэн хотуур музейын төрүттээбитэ. Хотуурдары мунньан, эдэр ыччакка үөрэтэр сүрдээх улахан материал хаалларбытын сыаналаан туран, кинини кэриэстээн үйэтитэн, Елизавета Николаевна оҕолорун кытта сүбэлэһэн баран хотуурдар кэллиэксийэлэрин Е.Ярославскай музейыгар биэрбиттэрэ.
От тэриллэрин: хотууру, кыраабыл чаастарын атыылаһан, саха омугу саха дэппит илиинэн оту охсууга туһаныаххытын сөп.

Елизавета Николаевна оҕолорунаан, сиэннэринээн аҕалара, эһээлэрэ Марк Петрович илиинэн оту охсууну, моонньоҕону үүннэриигэ кэскиллээх үлэтин кэлэр көлүөнэ ыччакка үөрэтэн-такайан, пропагандалаан, иилээн-саҕалаан дьиэ кэргэн үйэлээх дьарыгын салгыыллар.
Сэргээбиттэр Елизавета Николаевнаны кытта 89248668382 төлөпүөнүнэн сибээстэһиэххитин сөп.  @sannikovaitalina Инстаграмм страницаҕа: өлгөм илиилээх оҕуруотчут Елизавета Николаевна Слепцова моонньоҕонтон өлгөм аһы хомуйуу кистэлэҥнэрин үллэстэр видеотын көрүөххүтүн сөп.

Айталина Санникова, суруналыыс

Бэрдьигэстээх, Горнай

+1
0
+1
1
+1
0
+1
0
+1
0
+1
0
+1
0