Ахсынньы 3 күнүгэр “Гражданнар бырааптарын – өлүүлэһэн туттарааччы кыттыылаахтарын пуондата” (Москва к.) хампаанньа кэтээн көрөр сэбиэтэ Дьокуускай куоракка Автодорожнай уулуссаҕа, 11 кыбартаалга, 16 мэндиэмэннээх олорор дьиэ иккис уочаратын тутан бүтэрэргэ, үбүлээһин көрөр туһунан быһаарыныы ылынна. Бу туһунан СӨ Тутуутун министиэристибэтин пресс-сулууспата иһитиннэрдэ.
Бу дьиэҕэ 182 дольщик кыбартыыраларын кэтэһэллэр. Уопсайа өлүүлэһэн тутууга 123 дуогабар түһэрсиллибит. СӨ Бырабыыталыстыбата ППК Пуондатын кытары «Монолит Строй» дьиэтин иккис уочаратын тутууга субсидияны биэриигэ сөбүлэһии түһэрсибитэ. Субсидия кыттыһан үбүлээһин оҥоһуллар буоллаҕына биирдэ бэриллэр. Өрөспүүбүлүкэ бүддьүөтүгэр бу сыалга анаан номнуо үп-харчы көрүллүбүтэ.
Дьиэни тутан бүтэрии бырааба дольщиктар бырааптарын көмүскүүр эрэгийиэннээҕи пуондатыгар бэриллиэҕэ. Тутуу миниистирэ Павел Кылатчанов өрөспүүбүлүкэтээҕи пуондаҕа чугастааҕы кэмҥэ тутуу хаһан түмүктэнэр болдьоҕун киллэрэн туран, «дорожнай каартаны» оҥорор туһунан сорудахтаата.
Суобаһа суох «Монолит Строй» ХЭТ сылтаан 312 киһи эмсэҕэлээтэ.
edersaas.ru
+1
+1
+1
+1
+1
+1
+1