Хаҥалас улууһугар Мохсоҕоллооххо «Юность» култуура киинигэр «Култуура» национальнай бырайыак иитинэн ыытылла турар улахан өрөмүөн от ыйын 31 күнүгэр түмүктэниэ диэн этэллэр.
Бу туһунан СӨ Култуура министиэристибэтин пресс-киинэ суруйар. СӨ Култуура уонна духуобунай сайдыы миниистирэ Юрий Куприянов иһитиннэрбитинэн, култуура киинин хапытаалынай өрөмүөнүгэр 5,05 мөл.солк. көрүллүбүт, ол иһигэр федеральнай киинтэн 4,46 мөл.
—Национальнай бырайыак иитинэн ыытыллар өрөмүөн үлэтэ бэс ыйыттан саҕаламмыта. Бу ый бүтүүтэ түмүктүөхтээхтэр. Онон айар үлэлэрин саҥардыллыбыт дьиэҕэ саҕалыахтара, — диэн этэр Юрий Куприянов.
Санатан эттэххэ, «Култуура» национальнай бырайыак иитинэн хапытаалынай өрөмүөн алта култуура киинигэр (уопсай суумата 23,6 мөл.солк.) уонна оҕо ускуустубатын уон оскуолатыгар (86,04 мөл.солк.) ыытыллар.
+1
+1
+1
+1
+1
+1
+1