Хас биирдии үтүөҕэ — сырдыкка тардыһар киһини билиҥҥи буола турар быһыы — майгы долгутар, толкуйдатар.
Кырдьыга даҕаны, билигин биһиги, Арассыыйа олохтоохторо, судургута суох кэмҥэ олоробут. Дойдубут бүгүҥҥүтүн сарсыҥҥытын туһунан ырыҥалаан көрөргө тоҕоостоох кэм. Бастатан туран, мин Арассыыйа бэрэсидьиэнэ В.В.Путин, бэйэбит Ил Дархаммыт А.С.Николаев билиҥҥи кэмҥэ саамай сөптөөх хайысханы тутуһан иһэллэр дии саныыбын.
Бары билэ — истэ, көрө сылдьаргыт курдук, Арассыыйаҕа бары өттүттэн, ол иһигэр урукку өттүгэр Сэбиэскэй Сойуус баар буолан быыһатан — абыратан, «һай — һат» диэбит арҕааҥы дойдулар, араас өрүттээх сааҥсыйалары биллэрдилэр. Урут аҕам барахсан этэр буолара:» Улуу нуучча норуотун кыайар күүс суох, нуучча норуота — бухатыыр норуот, кини хаһан да өлөн — охтон биэриэ суоҕа!». Чахчыта да оннук, модун Арассыыйаны ханнык да хараҥа күүстэр кыайыахтара суоҕа! Биһиги күүстээхпит өйбүтүнэн — санаабытынан, үлэни — хамнаһы кыайар улуу кыахпытынан, бырааттыы норуоттар тулхадыйбат доҕордоһууларынан! Маннык кэмҥэ өссө ыга түмсүүлээх буоламмыт ыгылыйбакка, уһуну — киэҥи санаан , үлэни өрө тутуохтаахпыт.
Билигин саамай тыын боппуруос — бэйэ аһын-үөлүн оҥорон таһаарыы, атын дойдуларга оҥоһуллар табаардары бэйэбит усулуобуйабытыгар оҥорорго хаһааҥҥытааҕар да күүскэ үлэлэһии.
» Саха сатаабатаҕа суох» диэн уос номоҕо баар. Оттон мин этиэм этэ: модун Арассыыйа кыайбатаҕа — сатаабатаҕа суох!
Тыа сиригэр сүөһүнү-сылгыны иитиини кэҥэтиэххэ. Бэйэ бурдугун үүннэрэр сыалтан урукку сопхуос эрдэххэ быраҕыллыбыт бааһыналары хаттаан сөргүтүөххэ, туһаҕа таһаарыахха!
Ыччат тыа сирин диэки хайыһыан наада. Тыаҕа олохсуйан, эти-үүтү дэлэтиигэ күүскэ ылсан үлэлэһиэн, саҥа технологиялары олоххо киллэриэн, бэйэ дьыалатын тэриниигэ күүскэ үлэлэһиэн наада! Олохпут оннун булан, барыта этэҥҥэ буоларыгар бигэ эрэллээхпин.
Елена Прокопьева, уопсастыбаннай кэрэспэндьиэн.