«Модуҥҥа» «Саҥа ааттар» диэн мас тардыһааччылар күрэхтэһиилэрэ буола турар

Алтынньы 14-15 күннэригэр Манчаары аатынан “Модун” спортивнай киин быһаччы көҕүлээһининэн, “Саҥа ааттар” диэн эдэр күрэхтэһээччилэргэ анаан мас тардыһыыга күрэхтэһии буола турар.

edersaas.ru

Этэргэ дылы, тоҥ маһы турута тардар санаалаах эдэр мадьынылар мустан астына күрэхтэһэ сылдьаллар.
“Модун” спортивнай киин дириэктэрэ Иннокентий Григорьев: “Күрэхтэһиигэ 14 хамаанда кытта кэллэ. Барыта 150 мадьыны күрэхтэһэ сылдьар. Күрэхтэһии олус интэриэһинэйдик, тыҥааһыннаахтык бара турар”,— диэн санаатын үллэһиннэ.
Маны тэҥэ, “Юность” манежка Гаврил Григорьев аатынан атах оонньуутугар күрэхтэһии буола турар .

Александр ТАРАСОВ, «Саха сирэ» хаһыат, edersaas.ru