Модельер Варвара Филиппова сырдык кэриэһигэр анаан тэрээһин ыытыллыаҕа
Ахсынньы 2 күнүгэр Дьокуускайга «Өрөгөй» успуорка бэлэмнээх буолуу киинигэр «Arctic Fashion Show-2021» тэрээһин ыытыллыаҕа. Манна сүрүн истилииһинэн Арассыыйаҕа киэҥник биллэр биир дойдулаахпыт Гала Борзова буолуоҕа.
Тэрээһин 2019 сылтан быйыл соһуччу күн сиритэн күрэммит биллэр модельер Варвара Филиппова көҕүлээһининэн ыытыллар. Онон быйылгы көрдөрүү көрөөччүтэ суох онлайн киэбинэн уонна көҕүлээччи сырдык кэриэһигэр ананан ыытыллыаҕа.
«Былырыын Варвара Филиппова көрдөһүүтүнэн, мин бу бырайыакка амбассадор буолбутум. Кини мин дьүөгэм этэ. Быйыл Варвара толкуйдаан таһаарбыт таҥаһын коллекциятын көрдөрүөхпүт. Бырайыак сайдарыгар сырабытын барытын ууруохпут», — диэн Гала Борзова этэр.
Муода көрдөрүүтүн сүрүн тэрийээччилэринэн СӨ Урбааҥҥа министиэристибэтэ уонна култуура уонна искусство Арктикатааҕы института буолаллар. Эпиирдэри «Саха» НКИХ ханаалыгар, бырайыак «Инстаграмыгар» көрүөххэ сөп.
Кыттыан баҕалаахтартан сайаапканы сэтинньи 15 күнүгэр диэри туталлар. Бу туһунан Арктикатааҕы институт пресс-сулууспата иһитиннэрэр.