Билигин хас биирдии киһи төлөпүөн аргыстанан, күнү-күннүктээн социальнай ситимнэргэ олорор буолла. Үгүс өттүгэр эдэр ыччат интэриниэтинэн таҥас-сап, ас-үөл сакаастыыр, оннооҕор төлөпүөнүнэн кирэдьиит төлүүр. Интэриниэтинэн кырдьаҕас дьон эмиэ хото туһаналларын курдук, «Мегафон» хампаанньа уонна «Саха сирэ» хаһыат анал бырайыагы саҕалаатыбыт.
edersaas.ru
Билигин Skype, WhatsApp, facetime курдук мобильнай сыһыарыыларынан биһиги күннэтэ туһанабыт. WhatsApp нөҥүө видеосибээһинэн ыраах сылдьар оҕолорбутун, сиэннэрбитин кытары көрөн олорон кэпсэтэбит. Холобур, Дьокуускайга үөрэнэр устудьуоннар ыраах Сунтаарга, Ленскэйгэ олорор дьоннорун кытары күннэтэ сибээстэһэллэр.
Аны социальнай ситиминэн бииргэ үөрэммит доҕотторбутун, биитэр атын куораттарга баар аймахтарбытын кытары кэпсэтэн, хаартыска, видео ыытан, куруук билсэ олоробут. Онон биэнсийэҕэ олорор киһи интэриниэккэ холбонон, сибээс эрэ быһыытынан туһаммакка, хаһан баҕарар киинэ көрүөн, ас астыырга үөрэниэн, сонун кинигэни булан ааҕыан сөп.
Холобур, «МегаФон.ТВ» сыһыарыыны хачайдаан, сэбиэскэй киинэлэри, ол иһигэр «Ирония судьбы», «Кавказская пленница», «Чародеи», ону таһынан урукку «Осторожно, модерн!», «Каламбур», «Городок», «Маски-шоу» биэриилэри көрүөххэ сөп. «Смак», «Едим дома», «Квартирный вопрос», «Фазенда» уонна да атын биэриилэрдээх тус туһунан ханааллар эмиэ бааллар. Онон «МегаФон.ТВ» сыһыарыыга холбонон, хаһан баҕарар бэйэҕит сөбүлүүр, интэриэһиргиир биэриилэргитин, киинэлэргитин көрөр кыахтааххыт.
Мобильнай тэлэбиидэнньэттэн атын өссө эмиэ интэриэһинэй сыһыарыылар элбэхтэр. Олор тустарынан «МегаФон» уонна «Саха сирэ» хаһыат бырайыагар кэлэр нүөмэрдэргэ суруйуохпут.
Анивера АКИМОВА, edersaas.ru