Тыа хаһаайыстыбата

Мобильнай биригээдэлэргэ сайаапканы түһэрии бытаан

Улуустар сирдэрин-уоттарын көрүнэн баран барыллаабыттарын түмтэххэ, өрөспүүбүлүкэ үрдүнэн 364,5 тыһ. туонна  от оттонор кыахтаах.

edersaas.ru

Ити бэриллибит былаан 79,7 %-а. Бэйэлэрин сирдэриттэн кыстыыр отторун Томпо улууһа 41 %, Уус Алдан улууһа 46 %, Өймөкөөн улууһа 52 %, Ньурба улууһа 62 %, Өлүөхүмэ улууһа 64 %, Сунтаар улууһа 66 %, Чурапчы улууһа 73 %, Хаҥалас улууһа 78 %, Нам улууһа 84 %, Амма улууһа 85 %, Мэҥэ Хаҥалас улууһа 86 % хааччынар кыахтаахтар. Ити иһин мобильнай биригээдэлэр тэрийэн, ыраах учаастактарга 33 627 т оттуур орук турар. Бу сыалга өрөспүүбүлүкэ 2021 с. бүддьүөтүгэр 34 мөл. солк көрүлүннэ.

Билиҥҥитэ мобильнай биригээдэлэргэ сайаапкатын алта улуус: Амма, Таатта, Чурапчы, Өлүөхүмэ, Ньурба, Хаҥалас биэрдилэр. Холбоон 14830 т отуур былааннаахтар. Сайаапкалары атырдьах ыйыгар диэри хомуйан баран, мобильнай биригээдэлэри тэрийиигэ көмө ырычааҕын бырайыагын Бырабыыталыстыбаҕа сөбүлэһиигэ түһэриэхпит, онно атын улуустар сайаапканы түргэтэтэллэрэ ирдэнэр, – диэтэ Александр Атласов.

Маны таһынан министиэристибэ өрөспүүбүлүкэ таһыттан от атыылаһар туһунан боппуруоһу үөрэтэ сылдьар. Ол курдук, Забайкалье кыраайын, Амур уонна Магадан уобаластарын тыа хаһаайыстыбатыгар министиэристибэлэрин кытары кэпсэтиилэр ыытыллаллар.

Раиса Сибирякова, «Саха сирэ» хаһыат, edersaas.ru

0
0