Мобильнай биригээдэлэр харчылара балаҕан ыйын 20 күнүгэр диэри тиксэриллэр

Ааптар: 
Бөлөххө киир:

Кыстыгы көрсө өрөспүүбүлүкэ үрдүнэн 471 т от, 16 туонна сенаж итиэннэ
25 т сиилэс бэлэмнэниэхтээх.

edersaas.ru

Күн бүгүҥҥү туругунан, 184 тыһ. т от кэбиһилиннэ, ити былаан 39 %-а. Кураантан тэптэрэн былааннарын кыайан толорбот улуустары хааччыйарга өрөспүүбүлүкэтээҕи саппаас от пуондатыгар анаан Абый улууһа 300, Үөһээ Бүлүү улууһа 3 000, Ньурба улууһа 1 500, Сунтаар улууһа 1 000, Кэбээйи улууһа 670, Хаҥалас улууһа 500 туонна оту оттуохтаахтар. Ону таһынан тустаах улуустар бэйэлэрэ мобильнай этэрээттэри тэрийэннэр, ыраах участактарынан 22 тыһыынча туоннаны оттуохтаахтар. Мобильнай биригээдэлэри тэрийэргэ, чуолкайдаан эттэххэ, кинилэри оттугунан-уматыгынан хааччыйарга харчы көрүлүннэ. Онуоха тиэхиньии­чэскэй каарта быһыытынан, биир туонна окко 21 лиитэрэ сэлээркэ ороскуоттанар диэн суоттанна.  Ол харчы балаҕан ыйын 20 күнүгэр диэри улуустарга тиксэриллиэҕэ диэн Тыа хаһаайыстыбатын министиэристибэтэ иһитиннэрэр.

Раиса Сибирякова, «Саха сирэ» edersaas.ru

+1
0
+1
0
+1
0
+1
0
+1
0
+1
0
+1
0