Кулун тутар 29 күнүнээҕи туругунан, Саха сиригэр 26 киһи саҥа коронавируснай инфекциянан ыалдьыбыта бигэргэннэ диэн өрөспүүбүлүкэтээҕи суһал ыстаап иһитиннэрэр.
Ол иһигэр, Дьокуускайга – 19, Бүлүүгэ, Мииринэйгэ – 2-лии, Алдаҥҥа, Нерюнгригэ, Томпоҕо биирдии киһи ыалдьыбыт.
Суукка иһигэр коронавируснай инфекцияны быһаарар 761 анаалыс оҥоһуллубут. Пандемия саҕаланыаҕыттан өрөспүүбүлүкэ үрдүнэн барыта 1 000 729 анаалыс оҥоһуллубут.
Өрөспүүбүлүкэтээҕи суһал ыстаап салайааччытын солбуйааччы Ольга Балабкина иһитиннэрбитинэн, вакцинация салҕанар. Сүүстэн тахса быһыыны биэрэр пууннар үлэлииллэр. Барыта 56 670 киһи быһыы бастакы укуолун, 50 612 киһи иккис укуолун ыллылар. Сүрүн болҕомто аҕам саастаах дьоҥҥо быһыыны биэриигэ ууруллар. Билиҥҥи кэмҥэ барыта 11 480 киһи (60 саастарын ааспыттар) быһыыны ылла. Бу кэлэр нэдиэлэҕэ Арктика улуустарыгар вакцинация ыытыллыаҕа.
Төһө да ыарыы ахсаана намтаатар, хааччахтыыр миэрэлэр сымнааталлар, бэйэни харыстаныы миэрэлэрин (маасканы кэтии, тэйиччи сылдьыы, о.д.а.) тутуһуу ирдэнэр.
Ангелина Василоьева, «Саха сирэ» хаһыат, edersaas.ru
Хаартыска: bk.ru