2017 сыл түмүгүнэн Саха сирин саамай кэрэ кыыһын талыахпыт. «Мисс Республика Саха (Якутия) — 2017» аат иһин өрөспүүбүлүкэбит араас муннугуттан 16 кыыс илин-кэлин түсүһэр. edersaas.ru
Быйыл өрөспүүбүлүкэбит кэрэ кыыһын талар куонкурус — «Мисс Республика Саха (Якутия) — 2017» үһүс төгүлүн ыытыллар. Билиҥҥи туругунан, баҕалаах кыргыттартан 16 бастыҥы талан, «Мисс Интернет» номинацияҕа куоластааһын бара турар. Бэлиэтээн эттэххэ, тэрийээччилэр кырасаабыссаларга 170 см-тан үрдүк уҥуохтаах, 17-23 саастаах, кэргэнэ, оҕото суох, эттэригэр-сииннэригэр татуировката, баас суола суох буолуохтаах диэн ирдэбиллэри туруоран, сэтинньи бүтүүтэ кастиннаабыттара.
Куонкуруска 16 саастаах Любовь Хохолова кытта сылдьар: «Мин Дьокуускай куорат 5-с №-дээх оскуолатын 11 кылааһын үөрэнээччитэбин. Оҕо эрдэхпиттэн үҥкүүнэн, чэпчэки атлетиканан дьарыктанабын, модельнай агенствоҕа сылдьабын. Иллэҥ кэммэр ас астыырбын сөбүлүүбүн. Инникитин аан дойдуну барытын кэрийиэхпин, атын дьон олоҕун көрүөхпүн баҕарабын. Олохпор «Наадалааҕы оҥор, бэйэтэ табыллан иһиэҕэ» диэн санааны тутуһабын», — диэн интэриниэт-куоластааһыҥҥа бэйэтин туһунан маннык билиһиннэрбит.
Финалга киирбит кыргыттар:
Ол курдук, күрэхтэһиигэ 16 кыыс кытта сылдьар. «Мисс Республика Саха (Якутия) — 2017» ким буолбутун кэлэр сыл тохсунньу 13 күнүгэр билиэхпит. edersaas.ru