“Сэргэлээх уоттара” култуура киинигэр кулун тутар 9 күнүгэр өрөспүүбүлүкэбитигэр бастакытын ыытыллар “Мисс Образование — 2017” кэрэ куонкуруһун финала буолан ааста. Күрэх түмүктүүр түһүмэҕэр барыта 29 учууталтан 10 кэрэ куо талыллан салгыы кыттар чиэскэ тигистилэр.
[vc_separator color=»black» border_width=»2″]Финалга кэрэ куолар бэйэлэрин билиһиннэрдилэр, суолдьут санааларын эттилэр, сулустары кытта бииргэ талааннарын көрдөрдүлэр, аныгылыы сахалыы таҥастаах үҥкүүлээтилэр уонна киэһээҥҥи былаачыйалаах таҕыстылар.Бары кыттааччылар наһаа кэрэлэр, талааннаахтар эбит. Биһиги, көрөөччүлэр, олорон эрэ: «Маннык учууталларга үөрэммит киһи,»-дии санаатыбыт. Дьүүллүүр сүбэ быһаарыныыны ыларыгар наһаа ыарахан этэ:
«Мисс Зрительских симпатий» Мордискина Февронья Владимировна — Мэҥэ Хаҥалас Бэдьимэ орто оскуолатын алын кылааһын учуутала
«Мисс Совершенство» Борисова Екатерина Александровна — Дьокуускай куорат 2 №-дээх национальнай политехническэй орто оскуолатын омук тылын учуутала
«Мисс Спорт» Новгородова Валерия Григорьевна — Уус-Алдан Саха Бельгийскай гимназиятын информатикаҕа учуутала
«Мисс Талант» Кириллина Күндэлиинэ Трофимовна — Дьокуускай куорат национальнай гимназиятын саха тылын уонна литературатын учуутала
«Мисс Фото» Герасимова Екатерина Кирилловна — Дьокуускай куорат 1 № — дээх орто оскуолатын омук тылын учуутала
«Мисс Интеллект» Капитонова Анжела Степановна — Дьокуускай куорат 33 № — дээх орто оскуолатын алын кылааһын учуутала
«Мисс Дружба» Папашева Анна-Мария — Дьокуускай куорат 17 № — дээх орто оскуолатын омук тылын учуутала
«Мисс Интернет» Папашева Анна-Мария — Дьокуускай куорат 17 № — дээх орто оскуолатын омук тылын учуутала
«II Вице Мисс» Прибылых Варвара Гаврильевна — Чурапчы Бахсы орто оскуолатын историяҕа уонна обществознаниеҕа учуутала
«I Вице Мисс» Ларионова Людмила — Дьокуускай куорат 26 № — дээх орто оскуолатын кытай тылын учуутала
Кыайыылаах, «Мисс Образование» Адамова Светлана Андреевна — Амма Бөтүҥ орто оскуолатын физикаҕа уонна информатикаҕа учууталаСветлана Адамова, күрэхтэһии кыайыылааҕа, Бөтүҥ орто оскуолатын физикаҕа уонна информатикаҕа учуутала:
— Миэхэ күүс-көмө буолбут доҕотторбор, аймахтар, бииргэ үлэлиир дьоммор махтанабын!Онон, «Мисс Образование -2017» икки бастакы миэстэтин Амма улууһун кэрэ учууталлара ыллылар. Куоларбытын ааспыт бырааһынньыгынан эҕэрдэлиибит уонна үлэҕитигэр улахан ситиһиилэри баҕарабыт!
Хаартыскаҕа: Ыччат миниистирэ Афанасий Владимиров бастыҥ учууталы эҕэрдэлээтэ.
Чэлгийээнэ Бахсырова