Маны аах Уопсастыба

Чэпчэтиилээх ипэтиэкэ чааһынай дьиэни ыларга туһаныллыаҕа

Арассыыйа олохтоохторо дьиэ ылар чэпчэтиилээх кирэдьиити кыбартыыраҕа эрэ буолбакка, дьиэ атыылаһарга эмиэ туһаныахтарын сөп буолуоҕа. Эдэр ыал Уһук Илин уокурукка урут тутуллубут (вторичнай рынок) дьиэни табыгастаах усулобуйаҕа ылыахтарын сөп, онтон элбэх оҕолоох ыал ипэтиэкэтин сабынарыгар бырабыыталыстыба эбии 14,5 миллиард солкуобайы көрүөҕэ. Ити уонна да атын быыһаарыы туһунан РФ Бырабыыталыстыбатын бэрэссэдээтэлэ Михаил Мишустин иһитиннэрдэ.

Бэрэсидьиэн сорудаҕынан Бырабыыталыстыба чэпчэтиилээх ипэтиэкэ туһаныллыытын кэҥэтэр. Билигин бу үбү чааһынай дьиэни атыылаһыыга ыытыахха сөп”, — диэн бээтинсэҕэ мунньах кэмигэр эттэ.

Өссө биир уларыйыы “Уһук Илиҥҥи ипэтиэкэ” бырагыраамаҕа сыһыаннаах. “Билигин монокуораттарга (моногорода) олорор эдэр ыал табыгастаах усулуобуйаҕа саҥа дьиэҕэ эрэ буолбакка, урут тутуллубут (вторичный рынок) дьиэҕэ эмиэ атыылаһыахтарын сөп”, — диэн Мишустин иһитиннэрбит.

Сиһилии Арассыыйа хаһыатын (РГ) саайтыттан бу ыйыллыбыт сигэнэн киирэн ааҕыҥ.

“Российская газета” хаһыаттан.

Хаартыска: СИАтан

 

0
0