Mir Pay систиэмэнэн туһанааччы ахсаана сыл иһигэр 20 төгүл элбээбит

Ааптар: 
Бөлөххө киир:

Арассыыйаҕа смартфон көмөтүнэн төлөөһүн кэнники сылларга олус күүскэ сайдан испитэ. NFC технологиялаах смартфоннар салгын нөҥүө төлүүр кыаҕын биһиги дойдубут олохтоохторо олус түргэнник туһанар буолбуттара.

Холобура, 2021 сылга Арассыыйа олохтооҕун 32 бырыһыана төлөпүөн нөҥүө төлөбүрүнэн табаар атыылаһа сылдьыбыттара бэлиэтэммитэ. Ол эрэн, бу сыл кулун тутар 5 күнүттэн Visa уонна Mastercard төлүүр систиэмэлэр Арассыыйа ырыынагыттан тахсалларын биллэрбиттэрэ. Кинилэр кэнниттэн Google Pay уонна Apple Pay систиэмэлэр Арассыыйа олохтоохторугар өҥө оҥорон бүтэллэрин туһунан эппиттэрэ. Харчыны, баан картатын илдьэ сылдьартан аккаастаммыт дьон умнуллан эрэр ньымаларга төттөрү төннөргө күһэллэр балаһыанньаҕа киирбиттэрэ.

2019 сылтан Арассыыйа иһигэр  Mir Pay диэн систиэмэ үлэлээбитэ. Бастаан аҕыс үбүнэн дьарыгырар тэрилтэ кыттыспыта, билигин сүүстэн тахса баан, үп тэрилтэлэрэ бу систиэмэ иһигэр киирэллэр. Бүгүҥҥү күҥҥэ Mir Pay сыһыарыыны мөлүйүөн киһи хачайдаан туруоруммут. Атыы-эргиэн кээмэйэ 7 төгүл үрдээбит. 2022 сыл от ыйыгар биир сыл устата бу систиэмэнэн туһанар киһи ахсаана 20 төгүл улааппыт.

Mir Pay систиэмэнэн туһанарга МИР баан каартатын ылыахха наада. Дьиҥнээх каартаны эрэ буолбакка, виртуальнай каартаны эмиэ (холобур, Сбер сыһыарыытыгар, саҥа вирутальнай кааарта оҥостуохха сөп) Mir Pay сыһыарыытын хачайдаан ылаҕыт. Смартфоҥҥут NFC диэн салгынынан информацияны атастаһыы ньыматын сатыыр буолуохтаах, android операционнай систиэмэ кырата 7.0 версиятын туһанар буолуохтаахыт. Оччоҕуна, кумааҕы харчыны, каартаны туппакка, салгын нөҥүө төлөпүөнүнэн төлөһөр кыахтанаҕыт.

+1
0
+1
0
+1
0
+1
0
+1
0
+1
0
+1
0