![](https://edersaas.ru/wp-content/uploads/2017/04/CSC_0668.jpg)
Бэҕэһээ киэһэ Ил Дархан Егор Борисовы кытары көрсүһүү кэнниттэн, «Министр» дьыалабыай оонньуу хамандыырдара сэрэбиэйинэн хамаандаларын таллылар. Санатан эттэххэ, хамандыырдар уонна кинилэр солбуйааччылара эрдэттэн талыллыбыттара.
Аграфена КУЗЬМИНА, «Саха сирэ» хаһыат, edersaas.ru
Ол эрээри, бэҕэһээҥҥэ диэри атын кыттааччыларга ким хамандыыр буолара кистэлэҥҥэ сылдьыбыта. Онон үгүстэргэ сэрэбиэй – биир саамай долгутуулаах түгэнинэн буолла.
Хамандыырдары билиһиннэрдэххэ, “үрүҥнэр” хамаандаларын Дьокуускайдааҕы ГРЭС дириэктэрэ Руслан Исхаков салайыаҕа. Кини солбуйааччытынан Таатта улууһун Октябрьскай нэһилиэгин баһылыга Михаил Аржаков буолла.
“Саһархайдар” хамандыырдара – өрөспүүбүлүкэтээҕи 2-с нүөмэрдээх балыыһа невролог бырааһа Артем Науменко, солбуйааччы – “Мин докумуоннарым” салайааччытын солбуйааччы Мария Шахурдина.
“От күөхтэр” хамандыырдара – “Сахатранснефтегаз” управлениетын салайааччыта Андрей Николаев, солбуйааччы – “Якутскэнерго” департаменын инженерэ Василий Шишигин.
“Кыһыллар” хамандыырдара – “Алмазэлектромонтаж” электромонтажник-наладчига Дмитрий Донченко, солбуйааччы – “Якутия” венчурнай хампаанньа кылаабынай исписэлииһэ Алексей Комаренко.
“Сырдык саарыллар” хамандыырдара – “Кыһыҥҥы спорт көрүҥнэригэр дьарыктыыр киин” отделын начальнига Евгений Дубровскай, солбуйааччы – Инфокоммуникационнай технология киинин экэнэмииһэ Татьяна Тарасова.
“Халлаан күөхтэр” хамандыырдара – “Базальт матырыйаалын собуотун” дириэктэрэ Николай Матус, солбуйааччы – Бүлүү улууһун Чочу нэһилиэгин баһылыга Петр Догоюсов.
“Хара саарыллар” хамандыырдара – “Якутия” венчурнай хампаанньа генеральнай дириэктэрин солбуйааччы Василий Ефимов, солбуйааччы – Нерюнгри улууһун Хани бөһүөлэгин баһылыга Григорий Ведехин.
Аграфена КУЗЬМИНА, «Саха сирэ» хаһыат, edersaas.ru