Министиэристибэ үлэни биэрээччилэри хонтуруоллуо

Бөлөххө киир:

Ил Дархан ыйааҕынан, СӨ Үлэҕэ, социальнай сайдыыга министиэристибэтэ бэйэни хааччахтаныы эрэсиимин быраабылаларын кэспит үлэни биэрээччилэргэ боротокуол толорор бырааптанна. Оччотугар тэрилтэлэр административнай эппиэтинэскэ тардыллаллар.

edersaas.ru

Холобур, бэйэни хааччахтаныы эрэсиимигэр маннык ирдэбиллэр киирбиттэрэ:

— үлэһит дьиэ кэргэнин чилиэнэ тумуулаабыт сибикитэ билиннэҕинэ, тэрилтэтигэр тута биллэриэхтээх уонна диагноһа биллиэр диэри, дьиэтигэр олорон үлэлиэхтээх (14 күнтэн уһуна суох). Тэйиччиттэн үлэлиир кыаллыбатаҕына, үлэни биэрээччи кыраапыгы таһынан уоппусканы биэрэр, эбэтэр хамнаһа суох уоппускаҕа ыытар эбээһинэстээх;

— үлэһит дьиэ кэргэнин чилиэнэ коронавируһунан ыалдьыбыта бигэргэннэҕинэ, “больничнай” лиис толоруллар;

— 65-тэн аҕа саастаах уонна олоҕурбут ыарыылаах дьоҥҥо “больничнай” лиис арыллар. Бу Социальнай страховкалааһын пуондатыгар тэрилтэлэр эрдэ ыыппыт испииһэктэригэр олоҕурар.

  • Быраабылалары кэһии түбэлтэлэрэ таҕыстаҕына, СӨ Үлэҕэ, социальнай сайдыыга министиэристибэтин нүөмэригэр эрийэн биллэриҥ: 508-075.

Ангелина Васильева, «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0