Министиэристибэ быһыыны ылбатах устудьуоннары үөрэтэргэ саҥа сүбэлэри бигэргэппит
Дойду наукаҕа уонна үрдүк үөрэххэ министиэристибэтэ быһыыны ылбатах устудьуоннары ыраахтан үөрэххэ көһөрөргө уонна кинилэргэ туспа эксээмэни тэрийэргэ сүбэлиир. Ити туһанан ТАСС суруйар.
Саайтка, Арассыыйа Наукатын уонна үрдүк үөрэҕин министиэристибэтэ коронавирустан быһыыны ылбатах эбэтэр доруобуйатын туругунан ылар кыаҕа суох (медотвод) устудьуоннары тэйиччиттэн олорон үөрэниигэ (удаленно) көһөрөрү тоҕоостооҕунан ааҕар диэн суруллар.
Ону таһынан, министиэристибэ уопсайга киирэргэ вакцинация, ыалдьыбыттарын эбэтэр доруобуйаларын туругунан ылар кыахтара суоҕун (медотвод) туһунан ыспыраапаканы ирдииргэ, быһыыны ылбатах устудьуоннарга туспа эксээмэни ыытарга, ону тэҥэ, тас дойду устудьуоннарыгар үөрэх кыһатын суотугар быһыыны туруорууну тэрийэллэригэр сүбэлиир диэн суруйар.
Сиһилии бу ыйыллыбыт сигэнэн киирэн ТАСС ааҕыаххытын сөп.
Хаартыска: Мария ВАСИЛЬЕВА (СИА) хаарытскаҕа түһэриитэ.