Аҕа дойдуну көмүскээччилэр күннэрин көрсө миниистирдэр ханна сулууспалаабыттарын билсиэххэ.
edersaas.ru
Бүгүн СӨ Экология, айылҕаны туһаныы уонна ойуур хаһаайыстыбатын миниистирэ Сахамин Афанасьев аармыйаҕа сулууспатын туһунан билиэххэ. Сахамин Миланович 1991-1993 сылларга байыаннай разведкаҕа сулууспалаабыт:
—Биһиги батальоммут араас анал бойобуой сорудахтары толороро. Үксүн Кытай байыаннай эбийиэктэрин хонтуруоллааччыбыт, Нагорнай Карабахха үлэлээччибит.
Батальоммутугар Арассыыйа бары эрэгэйиэннэриттэн уолаттар бааллара. Олус иллээх этибит. Исмаилов Акиф Фати-оглы ротабыт бэртээхэй хамандыыра этэ. Элбэххэ үөрэппитэ, куруук көмөлөһөр этэ.
Физическай бэлэмҥэ улахан болҕомтону уураллара. Хас күн ахсын сайын буоллун, кыһын буоллун 3-5 км кросс сүүрээччибит. Куруук норматив туттаран тахсар этибит: тардыныы, перекладинаҕа тахсан баран эргийии, сүүрүү, ытыы. Үөрэх киинигэр куруук анал дьиссипилиинэлэргэ – илиинэн охсуһууга, бойобуой сааны сатаан туттарга үөрэнэр этибит. Бойобуой саанан туттарга рота командира Исмаилов үөрэтэр этэ.
Маны таһынан, куруук каруалга, нэрээккэ турааччыбыт. Сулууспалаабыт сылларбын сылаастык саныыбын. Олус интэриэһинэй этэ, аармыйа, олох улахан оскуолатын билбиппит, элбэх доҕоттору биэрбитэ уонна улахан кэлэктиипкэ хайдах үлэлииргэ уһуйбута. Түгэнинэн туһанан, хамандыырдары, старшиналары уонна бииргэ сулууспалаабыт доҕотторбун эҕэрдэлиибин!