Бэҕэһээ, алтынньы 7 күнүгэр, СӨ ОДьКХ уонна энергетикэҕэ миниистирэ Вячеслав Емельянов М.К. Аммосов аатынан Хотугулуу-Илиҥҥи федеральнай университет физико-техническэй институтун «Электроснабжение» диэн салаатыгар үөрэнэр устудьуоннары кытта көрүстэ.
«Олоххо сыаллаах киһи куруук ситиһиилээх буолар, онон идэни быһаарынартан инникигит тутулуктаах», — диэн миниистир эттэ.
Көрсүһүүгэ үһүс уонна төрдүс куурус устудьуоннара кытыннылар. Вячеслав Емельянов Саха сирин энергетическэй систиэмэтин уратыларын, министиэристибэ үлэтин уонна бырайыактарын туһунан сиһилии кэпсээтэ, устудьуоннар ыйытыыларыгар хоруйдаата.
Эдэр дьон үлэ булунуу, быраактыка, итиэннэ Усуйаанаҕа тутуллуохтаах атомнай ыстаансыйа бырайыагын туһунан ордук интэриэһиргээтилэр.
Министиэристибэ пресс-сулууспата.