Миниистир Владимир Егоров Өрөгөй ырыатын оскуолаларга толоруу туһунан быһаарда

Аҕыйах хонуктааҕыта Саха Өрөспүүбүлүкэтин Ил Дархана Айсен Николаев “Биһиги – Арассыыйа кэскиллэрэбит!” бырайыак туһунан” ыйааҕа тахсыбыта. Ыйаах тахсыаҕыттан үгүс төрөппүт, үөрэх тэрилтэтин үлэһитэ ыйытыыта үгүс.

—Тустаах Ыйаах үүнэр көлүөнэни иитиигэ аналлаах. Ыйаах 3-с пуунугар СӨ муниципальнай тэриллиилэрин олохтоох салайыныыга уорганнарын кытта бииргэ (сөбүлэһиннэрэн) Саха Өрөспүүбүлүкэтин уопсай үөрэхтээһиннэрин тэрилтэлэригэр Арассыыйа Федерациятын Судаарыстыбаннай Өрөгөй ырыатын күн ахсын толоруллар быраактыкатын олохтууру хааччыйарга диэн этиллэр.

“Бэҕэһээҥҥиттэн, Ил Дархан Ыйааҕынан бары оскуолаларга Арассыыйа Федерациятын Өрөгөй ырыатын күннэтэ толоруу саҕаланна.  Быһааран эттэххэ, күннэтэ (истии эбэтэр бэйэ толоруута), үөрэх икки симиэнэлээҕин учуоттаан, бастакы уруок саҕаланыыта кылааска толорор сүбэлэнэр. Маныаха Өрөгөй ырыатын кылгатан даҕаны толоруохтарын сөп. Ырыаны толоруу үөрэх тэрилтэтэ бэйэтэ быһаарыытынан, үөрүүлээх линейкэҕэ нэдиэлэ саҕаланыыта эрэ ыллыахтарын сөп”, — диэн СӨ Үөрэҕин уонна наукатын миниистирэ Владимир Егоров быһаарар.

“Саха сирэ” хаһыат, edersaas.ru