Ытыктабыллаах сонуну киэҥник тарҕатар сириэстибэ үлэһиттэрэ! Эһигини идэлээх бырааһынньыккытынан — Арассыыйа бэчээтин күнүнэн эҕэрдэлиибин!
Үгэс быһыытынан бу күн ааспыт сыл түмүгүн таһаарабыт, былырыын медиа-эйгэҕэ ураты буолла. 2018 сыллаахха «Якутия24» ханаал арыллыбыта уонна Улус.медиа динэ оройоун хаһыаттарын сайта арыллыбыта. Ону кытта Саха өрөспүүбүлүкэтин үтүөлээх суруналыыһа наҕараада төрүттэммитэ.
Бэчээт дьыалата хас биирдии үлэһит бэриниилээх, дьаныардаах үлэтинэн сайдар. Билигин ИТ-технологияны туһанан бэчээт саҥа таһымҥа тахсан, ааҕааччытын ахсаанын элбэтиэ диэн бигэ эрэллээхпин. Кинигэлэри, хаһыаттары саҥа форматтаах оҥорон, дьоҥҥо өссө чугаһатыахтаахпыт.
Убаастабыллаах кэллиэгэлэр, доҕоттор, айымньылаах үлэҕитигэр ситиһиилэри, саҥа бырайыактары, үөрүүнү-көтүүнү баҕарабын! Бэйэҕитигэр уонна чугас дьоҥҥутугар доруобуйаны!
СӨ инновацияҕа, цифровой сайдыыга уонна инфокоммуникационнай технологияҕа миниистирэ Анатолий Семенов.