Саха сирин айти-пааркатын резиденэ «SCIBERIA» хампаанньа Уһук Илин уонна Арктика сайдыытын миниистирэ Алексей Чекунков өйөбүлүн ылла. Бу туһунан миниистир бүгүн «Дьокуускай» айти-паарка резиденнэрин кытары көрсүһүүтүгэр бэлиэтээн эттэ.
Хампаанньа былырыыҥҥыттан саҕалаан коронавирус дьаҥыттан сэбиргэхтэтиини компьютернай томография, рентген түһэриилэрин нөҥүө түргэнник быһаарар бырагырааманы оҥорон Саха сирин быраастарын кытары үлэлэһэр. Бу анал бырагыраама тыҥа ыалдьыбытын 95% билэр кыахтаах.
Миниистир Алексей Чекунков: «Бу хампаанньа дьаҥ саҥа көрүҥэ доруобуйаҕа охсуутун билэр дьоҥҥо-сэргэҕэ сүрдээх туһалаах бырайыагы оҥорон таһаарда. Бу бырайыагы Арассыыйа атын эрэгийиэннэригэр тарҕатар сөп. Уһук Илин уонна Арктика сайдыытын пуондата бу бырайыагы үбүлүүрүгэр сүбэлиэм этэ», — диэн бэлиэтээтэ.
Аграфена КУЗЬМИНА.
+1
+1
+1
+1
+1
+1
+1