“Миндиашвили” күрэһэ: харах уоттанар, кулгаах чөрбөйөр күннэрэ үүннүлэр

Тустууну сэҥээрээччилэр болҕомтолоро бу күннэргэ Красноярскайга буола турар Дмитрий Миндиашвили аатынан Тустуу академиятын бирииһигэр көҥүл тустууга Бүтүн Арассыыйатааҕы турнирга туһаайыллар. Тоҕо диэтэххэ, онно сарсыҥҥыттан сүүрбэ биэс саха бөҕөһө “Иван Ярыгин” Гран-при күрэхтэһиигэ кыттарга тиһэх путевкалар иһин хабыр хапсыһыыга кыттар.

Бу эппиэттээх түһүлгэҕэ Саха сириттэн тустуохтара: 57 кг диэри ыйааһыҥҥа — Арыйаан Тютрин, Виталий Эспек, Федор Постников, Михаил Васильев, Алексей Копылов, Петр Копылов, Быйаман Яковлев, Айсиэн Винокуров, Петр Константинов, Георгий Кычкин; 61 кг — Дмитрий Аксенов, Эдуард Григорьев, Семен Владимиров, Айсен Потапов, Ньургун Александров, Петр Павлов; 65 кг — Дьулустаан Булатов, Юрий Протодьяконов; 70 кг — Константин Власов, Иван Ефремов, Тимур Николаев; 74 кг — Герман Устинов, Айсен Копырин; 92 кг — Ньургун Сергин; 125 кг — Никита Хабаров.

Д.Г. Миндиашвили аатынан Тустуу академиятын бирииһигэр турнир бырагыраамата

Тохсунньу 16-20 күннэрэ. Красноярскай

Тохсунньу 16 күнэ
Дэлэгээссийэлэр кэлиилэрэ
15:30 — 16:00 – судьуйалар мунньахтара
16:00 — 17:00 – тустуук дьахталлар ыйааһыннаныылара

Тохсунньу 17 күнэ 
11:00 – дьахталлар тустуулара
16:00 – дьахталларга эрэхтээх уонна түмүк хапсыһыылар

17:30 — 18:00 – эр дьоҥҥо сэрэбиэйдэһии
18:00 — 18:30 — ыйааһыннаныы

Тохсунньу 18 күнэ 
11:00 – күрэхтэһиини үөрүүлээхтик арыйыы
11:45 – бары ыйааһыннарга барыллаан хапсыһыылар

Тохсунньу 19 күнэ 

11:00 – эрэхтээх хапсыһыылар
18:00 – түмүк хапсыһыылар
19:00 – наҕараадалааһын сиэрэ-туома

Тохсунньу 20 күнэ

Дэлэгээссийэлэр барыылара.

Роман ПОПОВ, «Саха сирэ» хаһыат, edersaas.ru

Хаартыска: интэриниэттэн