Бүлүү улууһугар төрөппүт уолун өлөрбүт ийэҕэ суут бириигэбэрэ тахсыбытын туһунан СӨ Борокуратууратын пресс-сулууспата иһитиннэрдэ.
Суут быһаарбытынан, 2017 сыл алтынньы 12 күнүгэр уонна ити иннинээҕи күннэргэ дьахтар уола уонна уолун доҕоро ойоҕунаан буолан, төрдүөн арыгылаабыттар.
Алтынньы 12 күнүгэр күнүс ийэ уолунаан кыыһырсыбыттар, ол түмүгэр, ийэтэ оҕотун быһаҕынан сүрэххэ биирдэ анньан, миэстэтигэр өлөрбүт.
Суут мунньаҕар дьахтар «уолбун өлөрөр санаам суоҕа, олох тугу да өйдөөбөппүн» диэн көрдөрүү биэрбит.
Ол да буоллар, оҥорбут ыар буруйа толору дакаастанан, суут кинини 7 сыл 6 ыйга уопсай эрэсиимнээх холуонньаҕа көҥүлүн быһарга уурбут.
Бириигэбэр сокуоннай күүһүгэр киирэ илик, өрүттэр ааһыныахтарын сөп.
Биһиги корр., «Саха сирэ» хаһыат, edersaas.ru
Хаартыска: интэриниэттэн.