СӨ Айылҕа харыстабылын министиэристибэтэ уонна «Тус сыаллаах кэнэҕэски көлүөнэлэргэ пуонда» көҕүлээһиннэринэн «Мин Сахам сирэ» диэн экологическэй тиэмэҕэ видеороликтары устууга анал куонкурус биллэрилиннэ.
Куонкурус алта номинациялаах.
«Саха сирин ураты харыстанар сирдэрэ» – манна Саха сирин ураты кэрэ айылҕатын уонна өрөспүүбүлүкэҕэ баар ураты харыстанар сирдэр тустарынан видеоролигы устуу;
«Булт быраабылата» – булт быраабылатын кэһиигэ, булт болдьохторун тутуһууга, кыылга-сүөлгэ сыһыан туһунан видеороликтары устуу;
«Экологическэй өттүнэн куттал суох буолуута» – коммунальнай хаһаайыстыба уонна промышленность тобохторун, көҥүлэ суох сыбаалкалары тэрийии, тулалыыр эйгэни киртитии туһунан видеороликтары устуу;
«Үүнээйини, оту-маһы харыстааһын» – тулабытыгар үүнэр араас үүнээйилэри харыстааһыҥҥа (Саха сирин Кыһыл кинигэтигэр киирбиттэри эмиэ) видеороликтары устуу;
«Экологическай чөл олохтоох буолуу быраабылата» – аныгы технологияларга эниэргийэни сөптөөхтүк туһаныыга, тулалыыр эйгэни харыстааһыҥҥа уонна айылҕабыт чөл олохтоох буоларын туһугар видеороликтары устуу;
«Ыччат тулалыыр эйгэни харыстааһыҥҥа» – экологическэй анал аахсыйаларга, тэрээһиннэргэ ыччат кыттыытын, ситиһиилэрин туһунан видеороликтары устуу.
Номинациялар кыайыылаахтарыгар 50 тыһ. солк сертификаттар туттарыллыахтара.
Куонкурус 2017 сыл балаҕан ыйын 25 күнүттэн алтынньы 27 күнүгэр диэри ыытыллар. Видеороликтары алтынньы 20 күнүгэр диэри маннык аадырыска илдьэн туттараҕыт: Дьокуускай куорат, Дзержинскэй уул. 3/1, 29 хос. Сиһилии СӨ Айылҕа харыстабылын министиэристибэтин сайтыттан билсиэххитин сөп.
edersaas.ru