“Мин идэм IТ-2020” өрөспүүбүлүкэтээҕи V куонкурус ыытыллыаҕа
Олунньу 7-8 күннэригэр Мэҥэ Хаҥалас улууһун Аллараа Бэстээх бөһүөлэгэр “Мин идэм — IТ” диэн сыл саамай улахан куонкуруһун сүүмэрдиир түһүмэҕэ ыытыллыаҕа. Быйыл 16 нэһилиэнньэлээх пууҥҥа хакатону тэрийэн, кыттааччы ахсаанын 1000 тиийэ элбэтэр соруктаахтар.
Куонкурус сүүмэрдиир түһүмэҕэ Нам, Кэбээйи, Хаҥалас, Мэҥэ Хаҥалас, Уус Алдан, Чурапчы, Таатта, Амма, Горнай, Бүлүү, Үөһээ Бүлүү, Ньурба, Сунтаар, Мирнэй, Алдан уонна Нерюнгри улуустарыгар буолуоҕа. Финал муус устарга Дьокуускайга IТ-паарка былаһааккатыгар барыаҕа.
Тэрээһин соругунан информационнай технологиялар эйгэлэригэр ыччаты, саҥа саҕалыыр урбаанньыттары идэҕэ туһаайыы уонна өйөөһүн буолар.
СӨ инновацияҕа, цифровой сайдыыга уонна инфокоммуникационнай технологияларга министиэристибэтэ тэрийэн ыытар. СӨ үөрэҕин уонна наукатын министиэристибэтин, “Якутия” технопаарка, СӨ IТ-салааны сайыннарыы ассоциациятын, “Юные якутяне” киин, М.К.Аммосов аатынан Хотугулуу-Илиҥҥи федеральнай университет, П.И. Дудкин аатынан сибээс уонна энэргиэтикэ кэллиэһин, Покровскайдааҕы кэллиэс, Култуура уонна искусство арктикатааҕы судаарыстыбаннай институт, “Бэс Чагда” киин өйөбүллэринэн барар.
Куонкурус “хакатон” ньыматынан IТ-бырайыактары оҥорууга буолуоҕа. Кыттааччылар икки күн устата мобильнай сыһыарыыны эбэтэр веб-сервиһи үтүгүннэрэн (прототип) оҥоруохтаахтар уонна дьүүллүүр сүбэ иннигэр кэпсиэхтээхтэр.
А категория: уопсай уонна эбии үөрэхтээһин тэрилтэлэрин 7-11 кылаас үөрэнээччилэрэ.
В категория: орто анал уонна үрдүк үөрэх тэрилтэлэрин устудьуоннара.
Сүрүн бириис – дойду үрдүк үөрэҕин тэрилтэлэрин “информационнай систиэмэлэр уонна технологиялар” исписээлинэстэригэр бакалавриакка, магистратураҕа тус сыаллаах үөрэнии!
Судаарыстыбаннай тэрилтэлэри, эргиэн салаатын, үөрэҕи уонна исписэлиистэри барыларын биир былаһааккаҕа түмэр Арассыыйа атын эрэгийиэннэригэр ханна даҕаны ханыылыы суох өрөспүүбүлүкэ соҕотох тэрээһинэ!
Социальнай ситимҥэ страницата — https://instagram.com/mpityakutia
Хэштег — #mpit2020
Веб-сайт — http://mp-it.ru