Дьокуускай куорат уокуруктара киин куоракка ыытыллар тэрээһиннэргэ өрүү көхтөөхтөр.
Бүгүн куорат биир бэлиэ монуменын таһынааҕы болуоссакка ыытыллыбыт Арассыыйа бэрэсидьиэнин, аармыйатын өйүүр миитин-кэнсиэркэ эмиэ кытта сылдьаллар. Сорохтор оҕолорун кытта илдьэ кэлбиттэр, ийэлэрин-аҕаларын арыаллаан аҕалбыттар. Кинилэр РФ Бэрэсидьиэнин Владимир Путин бу ылыммыт быһаарыныытын өйүүллэрин, Арассыыйа модун кыахтаах аармыйатын араҥаччылыыр, көмүскүүр күүһүгэр уонна инникигэ эрэнэллэрин биллэрээри, өрөспүүбүлүкэбит, куораппыт тумус туттар, көхтөөх дьонун үтүө-соргу тылларын истээри кэлбиттэр.
— Бүгүн Дьокуускай куорат олохтоохторо бэйэбит гражданскай позициябытын, санаабытын биллэрээри бу болуоссакка ыытыллар миитин-кэнсиэргэ муһуннубут. Хас биирдии киһи сэрии хаһан да буолбатын диэн баҕалаах. Бу байыаннай дьайыылар этэҥҥэ түмүктэниэхтэрэ, түргэнник бүтэн-оһон иһиэҕэ диэн олоччу бүк эрэнэбит. Миитиҥҥэ биһиги Киин уокурукпут олохтоохторо көхтөөхтүк кэллилэр. Арассыыйа хаһан даҕаны, кимиэхэ да саба түспэтэҕэ. Эдьиий Дора эппитин курдук, барыта этэҥҥэ буолуоҕа, — диэтэ Киин уокурук үлэһитэ Анастасия Гаврильевна Слепцова.
Бэлэмнээтэ Женни Стрюкова
Хаартыскалар ааптар түһэриилэрэ