Бэрээдэк Маны аах

Дьону-сэргэни түөкүттэртэн сэрэтэр аахсыйа ыытылынна

Мииринэйгэ полиция үлэһиттэрэ уонна уопсастыбанньыктар түөкүттэртэн дьону-сэргэни сэрэтэр сыаллаах «Вместе против мошенников» аахсыйаны ыыттылар.

РФ ИДьМ Мииринэй оройуонунааҕы салаатын сотрудниктара, Мииринэй уокуругуттан благочиннай протоиерей Владимир Севрюков уонна «Энергия добра» волонтердар хамсааһыннарын салайар Екатерина Елбакова дьоҥҥо-сэргэҕэ бу аахсыйа иитинэн өйдөтөр, сүбэлиир үлэни ыыттылар. Бу туһунан ИДьМ Саха сиринээҕи салаатын официальнай саайтыгар суруллар.
Тэрээһини иилээн-саҕалаан ыытааччылар буклеттары түҥэппиттэр уонна түөкүттэр араас албастарыгар киирэн биэрбэттэригэр, билбэт дьонноругар баан каартатын эппэттэригэр, саарбах инвестиционнай бырайыактарга сымыйа дохуокка итэҕэйэн кыттыбаттарыгар, интэриниэт ситиминэн атыы-эргиэн боппуруоһугар сэрэхтээх буолалларыгар сүбэ-ама биэрбиттэр.
ИДьМ Мииринэйдээҕи салаата бэлиэтээбитинэн, быйыл кэнники тоҕус ыйга, ыраахтан олорон түөкүннээччилэр Мииринэйгэ 142-тэ дьону араас албастарыгар киллэрбиттэрэ бэлиэтэммит. Түөкүттэр үксүн сымыйанан баан, быраабы араҥаччылааччылар (ИДьМ, ФСБ, Прокуратура, Силиэстийэлиир кэмитиэт) үлэһиттэрэбит диэн сымыйалыыллар. Түөкүттэр албастарыттан сэрэниҥ!
0
1