СӨ Бырабыыталыстыбатын Бэрэссэдээтэлин солбуйааччы Ольга Балабкина Айхал бөһүөлэгин уонна Удачнай куорат баһылыктарыгар эпидемиологическай балаһыанньа уустугурбутунан, маасканы кэтиини уонна да атын санитарнай-эпидемиологическай ирдэбиллэри кытаанахтык тутуһуннарар үлэни күүһүрдэллэригэр сорудахтаата.
— Баһылыктар сүрүн соруктара — коронавируһунан ыалдьыбыт дьонтон сыстыахха сөптөөх сирдэри дезинфекциянан ыраастааһын, дьоҥҥо быһыыны биэриини хонтуруоллааһын.
Вакцина Мииринэй оройуонугар атырдьах ыйын 6 күнүгэр тиийиэҕэ. «Кыһыл зонаҕа» үлэлии сылдьар эмчиттэри харыстыахха наада, — диэн бэлиэтээтэ Ольга Балабкина.
Вице-премьер өрөспүүбүлүкэ олохтоохторун элбэх киһи мустар сирдэригэр санитарнай ирдэбиллэри тутуһарга уонна тустаах быһыыны кэмигэр ыларга ыҥырда.
Елена ПОТОЦКАЯ, «Саха сирэ» хаһыат.