Мииринэйгэ пассажирдары эмчиттэр сөмөлүөккэ бэрэбиэркэлииллэр
Мииринэй куоракка сөмөлүөттэр пассажирдарын көтөн кэлээттэрин кытта эмчиттэр биригээдэлэрэ көрсөр.
edersaas.ru
Ол курдук, пассажирдары эмчиттэр көрдөхтөрүнэ-иһиттэхтэринэ эрэ сөмөлүөттэн таһаараллар.
Мииринэй аэропордугар көтөр аал кэлэн түстэ да, онно бэлэм олорор эмчиттэр биригээдэлэрэ сөмөлүөккэ тиэтэйэллэр.
Хас биирдии пассажир температуратын «инфракраснай» дэнэр термометрынан бэрэбиэркэлиэхтэригэр диэри, төһө да өр кэм бардар, дьон балаһыанньаны өйдүүр, ким да кыыһырбат, мөҕүттүбэт.
Пассажир температуратын бэрэбиэркэлээн баран, хантан кэлбитин, кыраныысса таһыгар сылдьыбытын сураһаллар.
Омук сириттэн кэлбит киһи баара билиннэ да, тута аэродромҥа кэтэһэн турар «Суһал массыынаҕа» атаараллар.
Онно кыраныысса таһыттан кэлбит киһиэхэ анаан докумуон толорон баран, эмчиттэр тута дьиэтигэр илдьэн биэрэллэр.Ол кэнниттэн бу киһи 14 устата дьиэттэн тахсыбакка, карантиҥҥа олорор.
Мииринэйдээҕи аэропорка билиэт регистрациялыыр стойкалары хас чаас аайы санитарнай сурадаһыннарыннан ыраастыыллар.
Аэровокзал дьиэтин хас биирдии аанын тутааҕа кичэллээхтик ыраастанар, сотуллар.
Бу маннык кытаанах ирдэбиллээх үлэ ыытылларын туһунан almaznyi_krai («Алмазный край») тэлэбиидэнньэ инстаграмыгар иһитиннэрдилэр.
Елена ПОТОЦКАЯ, «Саха сирэ» хаһыат, edersaas.ru
Хаартыскалар @almaznyi_krai видеоматырыйаалыттан