Мииринэйгэ норуот маастарын быыстапката — куйаар ситиминэн

Ааптар: 
Бөлөххө киир:

Таас Үрэх 125 сылын туолар үбүлүөйүгэр анаан, Мииринэйдээҕи хартыына галереята норуот маастара Ульяна Попова быыстапкатын куйаар ситиминэн тэрийдэ.

edersaas.ru

Оройуоннааҕы култуура управлениетын муоһалыыр Ольга Гречаник  салайыытынан, «Алмазный Край»  тэлэбиидэнньэ хампаанньата норуот маастара Ульяна Попова үлэлэрин устан киэҥ араҥаҕа таһаарда.

Норуот маастара Ульяна Попова санаатын маннык үллэстэр:

Мин өр сылларга түүлээхтэн ииспин, кумааҕыттан кырыйбыт хартыыналарбын, оҕолорбор тикпит сахалыы таҥастарбын, кыл уонна туос иһит оҥоһуктарбын билиһиннэрдим. Маны таһынан, дьиэ кэргэним оҥоһуктарын: кэргэним ийэтэ — хотунум таҥас кырадаһыннарыттан панноларын, улахан кыыһым макрамеларын, киэргэлгэ ууруллар куукулаларын, уолум охсубут саха быһаҕын, кийиитим сутаж ньыматынан оҥорбут киэргэллэрин, сиэннэрим туостан тикпит иһиттэрин, фоамирантан сибэккилэрин, куруһуокка үөрэтэр үөрэнээччилэрим туостан оҥоһуктарын эмиэ билиһиннэрдим.

Норуот маастара «Саха сирэ» хаһыат «Сатабыл» балаһатын дьоруойа. Ийэ дойдуга бэриниилээх буолуу сылыгар Ульяна Попова оҥоһуктарын быыстапката, кини төрөөбүт Таас Үрэҕин үбүлүөйүгэр дьоһуннаах бэлэҕинэн буолла.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0