Бүгүн Мииринэйгэ эбии үөрэхтээһин киинигэр ай-ти киин арылынна диэн «Якутия» технопаарка пресс-сулууспата иһитиннэрэр.
Үөрүүлээх арыллыыга СӨ Бырабыыталыстыбатын бэрэссэдээтэлэ Андрей Тарасенко кыттынна. Кини өрөспүүбүлүкэҕэ цифровизация сайдыытын кытта сонун идиэйэлэрдээх саҥа каадырдарга наадыйыы улаатар диэн бэлиэтээтэ. Ол иһин өрөспүүбүлүкэ бары улуустарыгар ай-ти кииннэр арыллаллара улахан суолталаах.
Оттон оройуон баһылыга Ришат Юзмухаметов ай-ти киин Ил Дархан Айсен Николаев стратегическай ыйааҕын көмөтүнэн арыллыбытын эттэ. Кини өрөспүүбүлүкэ бырабыыталыстыбата үп көрбүтүгэр махтанна.
Саҥа айти-киин резидент Денис Давыдов толкуйдаабыт «Айта» диэн «көмөлөһөөччүлээх». «Айта» киһи саҥардаҕына хоруйдуур, оробуочай ыстаансыйалары үлэлэтэр, уоту араарар, холбуур эбит.
Санатан суруйдахха, Ил Дархан Айсен Николаев ыйааҕынан, аны 2024 сылга диэри өссө 17 айти-киин арыллара былааннанар.
edersaas.ru