Алмаастаах кыраайга тыа хаһаайыстыбатынан дьарыктанааччы аҕыйаҕа суох.
Оройуоҥҥа 885 ынах сүөһү, ол иһигэр 398 ыанар ынах, ону таһынан 555 сылгы итиэннэ 83,5 тыһыынча куурусса баар. Ааспыт сэттэ ый түмүгүнэн 860 туонна үүт туттарыллан астанна, 96 туонна эт ас итиэннэ 11 мөлүөйүөн устуука сымыыт батарылынна. Ити оройуон ырыынагын олохтоохтор оҥорон таһаарар бородууксуйалара сүрүннүүрүн көрдөрөр. Быйыл сайын кураан уонна ойур баһаардара мэһэйдээннэр, атырдьах ыйын 31 күнүнээҕи туругунан, 278 туонна от оттонно, ити былаан 37 %. «Новай» сопхуос 918 туонна сиилэһи укта (былаан 46 %). Мантан күһүн өссө да оттуур сорук турар Мииринэй оройуонун дьаһалтата иһитиннэрэр.
Раиса Сибирякова, «Саха сирэ», edersaas.ru
+1
+1
+1
+1
+1
+1
+1