Мииринэй уонна Удачнай куораттары тупсарыы үлэтигэр 32 мөлүйүөн солкуобайтан тахса үбүлээһин көрүллүөҕэ. Бу туһунан СИА-ҕа Мииринэй куорат дьаһалтатын пресс-сулууспата иһитиннэрбит.
Бу үбүнэн уулуссаны сырдатыы ситимин уонна куорат пааркатын электрическэй уотунан хааччыйыы лиинийэтин тардыыга, тротуардары саҥардыыга өрөмүөн үлэтигэр туттуохтара. Маны тэҥэ, Заречнай түөлбэ олорор дьиэлэрин электрическэй уот ситимигэр холбооһун ыытыллыаҕа. Маннык быһаарыыны дьокутааттар оройуоннааҕы сэбиэттэригэр ылыннылар.
Удачнай куоракка 3 мөлүйүөн солкуобайы Кыайыы болуоссатын аспааллыырга туттуохтара.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1