Мииринэй үөрэнээччитэ Полина Беляева Арассыыйа күрэҕин кыайыылааҕа буолла...
Кыайыы 75 сыла - Олох-дьаһах

Мииринэй үөрэнээччитэ Полина Беляева Арассыыйа күрэҕин кыайыылааҕа буолла

Мииринэй оройуонун Чернышевскай оскуолатын 8-с кылааһын үөрэнээччитэ Полина Беляева «Мин дьиэ кэргэним Аҕа Дойду сэриитин кэмигэр” диэн бүтүн Арассыыйатааҕы айар күрэс кыайыылааҕа буолла. Полина айар үлэтигэр хос эһээтэ Андрей Григорьевич Бабошин олоҕун уонна дьылҕатын туһунан суруйбут.

edersaas.ru

«Дойдубут устуоруйатыгар үгүс улахан суолталаах быһылааннар бааллар. Олору дьон дьыл-кэм ааһыта умнан барар. Ол гынан баран, хас сыл аайы суолталара күүһүрэр, өйбүтүн-санаабытын дириҥэтэр ис хоһоонноох түгэннэр бааллар. Оннук умнуллубат тугэннэртэн биирдэстэрэ — Аҕа Дойду улуу сэриитэ. Сэрии бэтэрээннэрэ умнуллуо суохтаахтар, хас биирдиилэрин аата өйбүтүгэр хаалара улахан суолталаах. Биһиги, сиэннэрэ уонна хос сиэннэрэ, кинилэр туһунан өйдөбүлү харыстаан, кэлэр көлүөнэлэргэ тиэрдиэх тустаахпытт», – диэн Полина Беляева айар үлэтигэр суруйбут.

Күрэс Федерация Сэбиэтигэр сигэнэр эдэр сокуону оҥорооччулар Палааталара көҕүлээһиннэринэн ыытылынна.

14-18 саастаах кыттааччылар бэриллибит үс тиэмэҕэ — «Фронт хаартыскатын көрөбүн», «Дойду олоҕор дьиэ кэргэним дьылҕата», «Сэрии үс муннуктаах суруктара» үлэлэрин суруйбуттар.

Арассыыйа 85 эрэгийиэниттэн 1714 үлэ киирбит, олортон 12 бастыҥы талбыттар. Полина Беляева атын кыайыылаахтары кытта анал бириистэринэн наҕараадаланна.

«Саха сирэ» хаһыат, edersaas.ru

Хаартыска — күрэс сирэйиттэн ылылынна.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

восемь + тринадцать =