Ол курдук силиэдэбэтэлбин диэн биир киһи Удачнай олохтооҕор эрийэн, хаачыстыбаҕа эппиэттээбэт БАД атыыласпытын иһин боруостааһын көрүллэрин туһунан кэпсээбит. Силиэдэбэтэлбин дэнээччи киһи: «БАД-ы атыылааччылар түөкүттэр, онон кинилэр дьайыыларыгар түбэспит дьоҥҥо компенсация көрүллэр. Ол гынан баран, боруостааһын харчытын ыларга бастаан страховканы уонна нолуогу төлөнүллүөхтээх«, — диэн эппит.
Биэнсийэлээх дьахтар элбэх харчыны ылаары, тута страховка уонна нолуок харчытын төлөөбүт. Ыйыллыбыт счекка 233 500 солкуобайы ыыппыт. Түмүгэр, дьахтар биир да харчыны ылбатах, төттөрүтүн харчыта суох хаалбыт диэн Ис дьыала министиэристибэтин пресс-сулууспата иһитиннэрдэ.
Онон полиция үлэһиттэрэ үпкэ-харчыга сыһыаннаах дьыалаҕа сэрэхтээхтик сыһыаннаһаргытыгар ыҥырар.
edersaas.ru
Хаартыска http://admsud.ru