Мииринэй куорат маастар-былаанын дьүүллэстилэр

Ааптар: 
Бөлөххө киир:

Мииринэй куорат маастар-былаанын СӨ Ил Дархана Айсен Николаев уонна АЛРОСА генеральнай дириэктэрэ Сергей Иванов дьүүллэстилэр.

Маастар-былаанынан, хоту сир бары өттүнэн тупсаҕай буоларыгар туһуланан үлэ ыытыллыахтаах, Мииринэй сайдыахтаах. Докумуоҥҥа  элбэх хайысхаҕа сыһыаннаах боппуруостар, хотугу сир усулуобуйатыгар сөп түбэһэр инженернэй, архитектурнай быһаарыылар, хостуур бырамыысыланнаһы, киһи хапытаалын сайыннарыы, дьон-сэргэ олоҕо салгыы тупсарыгар, доруобуйа харыстабыла, үөрэх, култуура, успуорт, бары эйгэлэригэр улахан болҕомто ууруллар, соруктар туруоруллаллар.
Маастар-былааны оҥорууга сылтан ордук кэм устатыгар үлэ ыытыллыбыт. Бу кэм устатыгар куорат туһунан бастакы дааннайдар, олохтоохтор санаалара, ыйытыктарга хоруйдар, олору ырытыы, анаалыстааһын түмүгэ, о.д.а. элбэх хомуллубут. Ол түмүгэр, куорат олохтоохторуттан икки тыһыынчаттан тахса этии киирбит.
Мииринэйи сайыннарыыга СӨ салалтата уонна хампаанньа күүстэрин, кыһамньыларын түмэн, холбоон үлэлииргэ бэлэмнэр.
Сергей Иванов бэлиэтээбитинэн, киирбит этиилэри хампаанньа былаанын кытары дьүөрэлии тутан, 20-30, өссө ону ааһа барар сыллары көрөн былааннаабыттар.
—«Мир» туруупкаҕа хостооһун үлэтин саҥардан оҥоруу, үлэ миэстэтин эбии, олорор дьиэҕэ, мэдиссиинэҕэ, үөрэххэ федеральнай бырагырааманы кытары дьүөрэлэһиннэрии, салгыы сайыннарыы, бу биһиги бастакынан болҕомтобутун туһаайар сыалбытынан-сорукпутунан  буолар, — диэн этэр АЛРОСА салайааччыта.
Дьүүллэһии түмүгэр Ил Дархан Айсен Николаев докумуон бастакы уочарат сүрүн соругу быһаарыыга, ол курдук, Мииринэйгэ дьон тупсаҕай усулуобуйаҕа олороругар ууруллубутун бэлиэтээтэ.
-Итинтэн саҥа түөлбэлэри тутуу, суолу-ииһи оҥоруу, саҥа уопсастыбаннай эйгэни тэрийии хайысхалара сибээстэһэн тахсаллар. Бу манна Мииринэй араас хайысханан сайдыахтаах — бырамыысыланнай туризм сайдар кэскиллээх, манна архитектура өттүттэн, куораты тутууга элбэх үлэ күүтэр. Үөрэҕи сайыннарыы улахан оруоллааҕынан, бу хайысха маастар-былааҥҥа хабыллыбыт, уо.д.а. элбэх. Маныаха бүгүҥҥү кэпсэтиигэ, куорат экэниэмикэтин кытары сибээстээх саҥа сорук туруорулунна. Куорат олохтоохторугар усулуобуйа тупсарыллыыта биисинэһи, туох ханнык иннинэ, дьоҕус биисинэһи сайыннарарга улахан көҕүлээһининэн буоларыгар эрэнэбин, — диэтэ Ил Дархан.
Маны сэргэ, кини сотору, 2030 сылга диэри Мииринэй оройуонун сайдыытын туһунан ыйаахха илии баттаныаҕа диэн иһитиннэрдэ.
+1
0
+1
0
+1
0
+1
0
+1
0
+1
0
+1
0