Мииринэй улууһун Арыылаах нэһилиэгин аттыгар буола турар ойуур баһаара күүстээх тыал түспүтүгэр соҕотохто өрө туран, үөһээнэн барбыт.
Аччыгый Ботуобуйа үрэҕи нөҥүөлээн, биэрэк аттынааҕы дьиэлэри үнтү салаан барбыт.
— Арыылаахха 3 дьиэ умайда, 2 хаһаайыстыбаннай тутуу уокка былдьанна. Уоту умулларыыга Мииринэйдээҕи баһаартан быыһыыр гарнизон 6 автоцистерната, 5 уу баһар массыына, 1 тыраахтар уонна «Алроса» авиахампаанньа Ми-8 С уу кутар бөртөлүөтэ үлэлиир. Миэстэтигэр 30 киһи баһаары бохсор. Кинилэргэ 4 баһаарынай массыына уонна эбии 20 киһи көмөлөһөр, — диэн СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников иһитиннэрдэ.
Арылаах нэһилиэгэр 1800 киһи олорор. Бөһүөлэк 8 уулуссаттан, 4 элбэх кыбартыыралаах уонна кэтэх дьиэлэртэн турар. Баһаары умулларыыга ЫБМ министиэристибэтин Бе-200 сөмөлүөтэ көппүтэ. Арыылаахха буолбут баһаар 3-с кылаастаах быһаарынан биллэрилиннэ.
Елена ПОТОЦКАЯ, «Саха сирэ» хаһыат.