Тыа хаһаайыстыбата

Мииринэй Арыылааҕар боруода сүөһү аҕалылынна

Мииринэй оройуонун Арыылааҕар «Новай» сопхуос» аахсыйалаах уопсастыба Иркутскай уобаластан сүүрбэ хара эриэн боруода тиҥэһэни аҕалла.

edersaas.ru

Хаһаайыстыба бу 22-24 ыйдаах тиҥэһэлэри ынаҕын ахсаанын элбэтэр итиэннэ сүөһүтүн боруодатын тупсарар сыалтан, Иркутскай уобалас Черемховскай оройуонун «Белереченскай» кэпэрэтиибиттэн атыыласта.

Тиҥэһэлэри Белореченскайтан Усть Кукка диэри массыынанан, онтон Ленскэйгэ диэри уунан, салгыы массыынанан Арыылаахха диэри аҕалбыттар. Сүөһүлэр ыраах айаны эрдээхтик тулуйбуттар. Туруктара этэҥҥэ. Билигин олохтоох бэтэринээрдэр көрүүлэринэн-истиилэринэн харантыыҥҥа тураллар. Бу ый бүтүөр диэри «Новай» сопхуос» өссө 100 тиҥэһэни аҕалыаҕа диэн Бэтэринээрийэ департамена иһитиннэрэр.

Раиса Сибирякова, «Саха сирэ» хаһыат, edersaas.ru

0
0