Владимир Михайлов: «1990-с сылларга ылыллыбыт Төрүт Сокуон бүгүҥҥү олоххо эппиэттээбэт»
Саха литературатын төрүттээбит, устар ууну сомоҕолуур уус тыллаах суруйааччылары, сээркээн сэһэнньиттэри бэлэхтээбит талыы талба Таатта улууһун дьоһун-мааны олохтоохторо от ыйын 1 күнүгэр буолар Төрүт Сокуоҥҥа уларытыыны киллэрэр быыбарга көхтөөхтүк кыттаары сылдьаллар.
Владимир Михайлов, Таатта улууһун бочуоттаах олохтооҕо, РСФСР Үөрэҕириитин туйгуна, СӨ Үтүөлээх учуутала:
— Олохпут кэлин балысханнык сайынна, 70 саастарын ааспыт көлүөнэ нэһилиэккэ бастакы массыына, тиэхиньикэ кэлэрин көрбүтэ. Ити курдук олох сайдыытын барытын көрбүт дьоҥҥо бу 1990-с сылларга ылыллыбыт Төрүт Сокуон бүгүҥҥү олоххо эппиэттээбэт буолла дии саныыбын. Аныгы олох хаамыытынан сокуоннарбыт эмиэ сайдан иһиэхтэрин наада.
Ол иһин Конституцияҕа киирэр уларыйыыны өйүүбүн. Сахалыы боростуойдук санаан көрдөххө, Өксөкүлээх Өлөксөй курдук биһиги улуу бөлүһүөк дьоммут бүгүҥҥү олох сайдыытын барытын эппиттэрэ.
Төрөөбүт айылҕабыт чөл туругун харыстаан, дьиэ кэргэн бигэ туругун өрө тутан, кэнэҕэс көлүөнэни иитэргэ Төрүт Сокуону өйүүрбүт, ылынарбыт, тугу ыйарын, көмүскэл оҥорорун бүтүннүүтүн туһанарбыт наадалаах.
edersaas.ru