Таатта улууһун үлэ уонна социальнай бырабылыанньатын салайааччы Михаил Тарасов Саха сирин олохтоохторун 1 Маай бырааһынньыгынан эҕэрдэлиир:
— Өрөспүүбүлүкэ олохтоохторун Үлэ, Эйэ, Маай бырааһынньыгынан итиитик-истиҥник эҕэрдэлиибин!
Төһө даҕаны билигин уустук кэм буоллар, биһиги Таатта улууһун олохтоохторо баһылыкпыт Михаил Соров салалтатынан түмсүүлээхтик үлэни-хамнаһы тэрийэн, кыаммат-түгэммэт дьиэ кэргэттэргэ көмө оҥорон, үгүс аахсыйалары ыытан, онтон да атын үгүс тэрээһиннээх үлэлэри ыытан, этэҥҥэ сандал сааһы көрүстүбүт.
Тус бэйэм бу бырааһынньыгы дьиэ кэргэммин кытта көрсөбүн. Бырааһынньык онлайн да ыытылыннар, биһиги бары бииргэбит, биир соруктаахтык үлэлээн, түмсэн, уустук кэми этэҥҥэ аһарыахпыт диэн эрэллээхпин. Хааччахтанан олорууну тутуһуҥ, тулуурдаах, киэҥ көҕүстээх буолуоҕуҥ!
Ульяна Захарова бэлэмнээтэ, edersaas.ru
+1
+1
+1
+1
+1
+1
+1