Михаил Николаев: «Саха Өрөспүүбүлүкэтин өрөгөйдөөх үбүлүөйүнэн эҕэрдэлииибин!»

Күндү биир дойдулаахтарым, Сахам сирин дьоно!

Саха омук кэскилин түстүүр, сайдар кыаҕын арыйар, төрөөбүт ийэ дойдубут – Саха Өрөспүүбүлүкэтэ 100 сыллаах өрөгөйдөөх үбүлүөйүнэн итиитик-истиҥник эҕэрдэлиибин!

Арассыыйа Империятын биир саамай хаалыылаах уһук хотугу сирэ күн бүгүн Арассыыйа бары өттүнэн биир саамай сайдыылах эрэгийиэнигэр кубулуйда.

Биһиги өрөспүүбүлүкэбит төрүттээччилэрин кэс тылларын – улуу нуучча омугун уонна да атын омуктары кытта эйэлээх буолууну тутан кэллибит, Арассыыйа Уһук Илиҥин эрэллээх эркинэ буолабыт.

Саха омук судаарыстыбата иккис үйэтигэр үктэнэн, саргылаах сатабыллаах суолларынан, киэҥ аартыктарынан салаллан иһиэ диэн бигэ эрэнэбин!

СӨ Бастакы Бэрэсидьиэнэ М.Е.Николаев

Дьокуускай куорат, 2022 с. муус устар 26 к.