Михаил Мурашко: «1133 киһи ыарахан туруктаах»

Бөлөххө киир:

Ыам ыйын 6 күнүгэр киэһэ Владимир Путин коронавирус эпидемиятын кэмигэр дойду экэниэмикэтин, социальнай эйгэни өйүүр миэрэлэр тустарынан мунньаҕы ыытта. Мунньахха бары миниистирдэр, эрэгийиэннэр салайааччылара кыттыыны ыллылар.

Доруобуйа харыстабылын миниистирэ Михаил Мурашко иһитиннэрбитинэн, бүгүҥҥү күҥҥэ Арассыыйа үрдүнэн 166 тыһыынча киһи коронавируһунан ыарыйда, онтон 1133 киһи ИВЛ аппараакка холбонон, ыарахан туруктаах сытар. Ордук сааһырбыт, саахардаах диабеттаах, хааннарын баттааһына үрдүк, уойбут дьон ыараханнык аһардаллар эбит. Дьиктитэ диэн эр дьон дьахталлардааҕар ыараханнык ыалдьаллар үһү.

Дойду үрдүнэн коронавируһу утары 110 тыһыынча быраас охсуһар. Бэл, 41 тыһыынча ординатуралаах устудьуоннары сыһыаран үлэлэтэллэр. Медиктэргэ 45,7 миллиард солкуобай суумалаах эбии төлөбүр муус устар ыйга төлөммүт.

Миниистир этэринэн, билиҥҥитэ 36% саппаас куойка баар.

Ангелина Васильева, “Саха сирэ” хаһыат, edersaas.ru
Хаартыска: tass.ru

+1
0
+1
0
+1
0
+1
0
+1
0
+1
0
+1
0