Михаил Мурашко: “Спутник Лайт” вакцина ыалдьа сылдьыбыт эбэтэр эрдэ вакциналаммыт дьоҥҥо бэриллиэҕэ

Саҥа тахсыбыт “Спутник Лайт” вакцинаны сүрүннээн коронавируһунан бэлиэр ыалдьа сылдьыбыт эбэтэр эрдэ вакцина ыла сылдьыбыт дьоҥҥо туруоруохтара. Бу туһунан Доруобуйа харыстабылын миниистирэ Михаил Мурашко кэпсээтэ. Кини этэринэн, саҥа вакцина 60 саастарын туола илик эрэ дьоҥҥо бэриллиэҕэ. 

Михаил Мурашко этэринэн, маассабай куттал суох буолуутугар вакциналааһын сүрүн сабыдыаллаах. Ону бу күҥҥэ кэлбит көрдөрүүлэр бигэргэтэллэр – 60 саастарыттан аҕа саастаахтар ортолоругар ыалдьааһын уонна өлүү ахсаана лаппа кыччаабыта көстөр. Бу сааскыттан кырдьаҕастары вакциналааһыҥҥа улахан болҕомто ууруллубута. “Спутник Лайт” диэн ааттаммыт саҥа вакцина көрүҥэ “Спутник V” судургутутуллубут көрүҥэ буолар.

«Саха сирэ» хаһыат, edersaas.ru

Хаартыска ЯСИА