Михаил Мишустин тугу уһатан биэрдэ?

Ааптар: 
Бөлөххө киир:

РФ Бырабыыталыстыбатын бэрэссэдээтэлэ Михаил Мишустин дьаҥы утары бииртэн биир наадалаах дьаһаллары ылынар. Дьэ, тугу уһатан биэрдэ?

Михаил Мишустин коронавирус эмтэрин уонна мэдиссиинэ тэриллэрин регистрациялааһын судургутуллубут  бэрээдэгин өссө уһатта.

Арассыыйаҕа мэдиссиинэ тэриллэрин түргэнник регистрациялааһыны уонна коронавируска сутуллубут дьону эмтээһиҥҥэ эмтэри туһаныыга көҥүллүүр докумуоннары ылыы процедурата өссө уһатылынна.  Маны Бырабыыталыстыба уураахтарынан бигэргэттилэр.

Судургутутуллубут процедура бары наадалаах докумуоннары эмтэри  эбэтэр мэдиссиинэ тэриллэрин туһаныыга муҥутуур кылгас болдьоххо ылар кыаҕы биэрэр. Маннык бэрээдэк коронавирустан сылтаан 2021 сыл тохсунньу 1 күнүгэр диэри олохтоммута. Билигин өссө биир сылга уһаттылар.

Тустаах боппуруоһу Бырабыыталыстыбаҕа Сүрүннүүр сэбиэт мунньаҕар сэтинньи 2 күнүгэр дьүүллэспиттэрэ. Михаил Мишустин этэринэн, бу миэрэлэри уһатан биэрии эминэн-томунан уонна тэриллэринэн хааччыллыы кыһалҕаларын туоратыыга көмөлөһүөҕэ.

Кэлин Бырабыыталыстыба Бэрэссэдээтэлэ күн аайы балаһыанньаны хонтуруоллуулларыгар эбээһинэстээн уонна эмп-том, тэрил барыта балыыһаларга уонна аптекаларга баар буоларын ситиһэр туһугар кэккэ сорудахтары федеральнай министиэристибэлэргэ уонна эрэгийиэннэр баһылыктарыгар биэрбитэ..

РФ Бырабыытаыстыбатын саайтыттан

Хаартыска: интэриниэт тиһигиттэн

Бэлэмнээтэ Женни Стрюкова.

+1
0
+1
0
+1
0
+1
0
+1
0
+1
0
+1
0