Михаил Мишустин сыана балаһыанньатын сүрүннүүр оробуочай бөлөҕү тэрийдэ

Бөлөххө киир:

Михаил Мишустин оробуочай бөлөҕү тоҕо тэрийдэ?

Бырабыыталыстыба бэрэссэдээтэлэ Михаил Мишустин дьон олоҕор-дьаһаҕар суолталаах табаардарга сыана үрдээһинин кэтээн көрөр уонна суһаллык дьаһанар биэдэмистибэлэр икки ардыларынааҕы оробуочай бөлөҕү тэрийдэ.

Бу бөлөххө бастакы вице-премьер Андрей Белоусов, бырамыысылананс миниистирэ Денис Мантуров, тыа хаһаайыстыбатын миниистирэ Дмитрий Патрушев, экэниэмикэ сайдыытын миниистирэ Максим Решетников, үп миниистирэ Антон Силуанов, федеральнай нолуок сулууспатын салайааччыта Даниил Егоров, монополияны утары федеральнай сулууспа салайааччыта Максим Шаскольскай, Россельзознадзор баһылыга Сергей Данкверт, Росстат баһылыга Павел Малков киирдилэр.

Михаил Мишустин ас-үөл сыанатын үрдэппэттэригэр сөбүлэһиилэри чопчулуурга соруйбута.

Ас-үөл сыанатын балаһыанньатынан суһал дьаһаллары ылынарга Арассыыйа Бэрэсидьиэнэ Владимир Путин сорудахтаабыта. Онон Михаил Мишустин бу боппуруоһу тус хонтуруолугар ылла.

РФ Бырабыыталыстыбатын саайтыттан

Бэлэмнээтэ Женни Стрюкова

Хаартыска: тустаах саайтан