Михаил Мишустин Росстат баһылыгынан Сергей Галкины анаата

Ааптар: 
Бөлөххө киир:

Судаарыстыбаннай статистика федеральнай сулууспатын (Росстат) салайааччытынан Сергей Галкин буолла. Кинини аныыр туһунан дьаһалга Бырабыыталыстыба Бэрэссэдээтэлэ Михаил Мишустин илии баттаата.

Росстат саҥа баһылыга Экэниэмикэ сайдыытын министиэристибэтиттэн кэллэ. Кини миниистир сүбэһитинэн 2017 с. ыҥырыллыбыта. Ити кэнниттэн кини тэрийиини хааччыйыыга уонна коммуникацияларга департамены салайбыта, онтон 2018 сылтан миниистири солбуйааччы дуоһунаһыгар эрэгийиэн бэлиитикэтин уонна сайдыытын сүрүннээбитэ.

Сергей Галкин 1984 с. Москваҕа төрөөбүтэ. РФ Бырабыыталыстыбатын иһинэн Үп академиятын бүтэрбитэ. Бөдөҥ инвестиционнай уонна консалтинговай хампаанньаларга ырытар үлэнэн дьарыктаммыта.

Оттон Сергей Галкин иннинэ Росстатка үлэлээбит Павел Малков Бэрэсидьиэн ыйааҕынан астаапкаҕа барбыт Николай Любимов оннугар Рязань уобалаһын губернаторын эбээһинэһин быстах кэмҥэ толорооччунан ананна.

Судаарыстыбаннай статистика федеральнай сулууспата (Росстат)

Бэлэмнээтэ Женни Стрюкова

Хаартыскаҕа: М.Мишустин (тустаах саайтан)

+1
0
+1
0
+1
0
+1
0
+1
0
+1
0
+1
0