Айылҕа харыстабыла

Михаил Мишустин Рослесхоз саҥа баһылыгын анаата

Ойуур хаһаайыстыбатын федеральнай агентствотын (Рослесхоз) саҥа салайааччытынан Иван Советников ананна. Кинини аныыр туһунан дьаһалга Бырабыыталыстыба Бэрэссэдээтэлэ Михаил Мишустин илии баттаата.

Иван Советников бу иннинэ Рослесхоз баһылыгын солбуйааччынан үлэлээбитэ. Бу дуоһунаска кини 2020 сылтан анаммыта, кини сыыппара эйгэтин биэдэмистибэннэй бырагырааматын уонна маһы учуоттааһын, атыылааһын тиһигин сүрүннээбитэ.

Иван Советников манна ананыан иннинэ Москва уобалаһын Ойуур хаһаайыстыбатын кэмитиэтин салайбыта, Арассыыйа Айылҕа ресурсаларыгар уонна экологияҕа министиэристибэтин ойуур ресурсаларын сүрүннээһиҥҥэ уонна судаарыстыбаннай бэлиитикэтигэр департаменын дириэктэрин солбуйааччыта этэ.

Рослесхоз урукку баһылыга Сергей Аноприенко, Айылҕа ресурсаларын уонна экологияҕа министиэристибэтигэр көстө, кини миниистири солбуйааччынан үлэлиэҕэ.

РФ Бырабыыталыстыбатын саайтыттан

Бэлэмнээтэ Женни Стрюкова

Хаартыска: тустаах саайтан.

0
0