Үп министиэристибэтэ уонна Доруобуйа харыстабылын министиэристибэтэ, Бырабыыталыстыба эрэсиэрбэҕэ пуондатыттан коронавируһунан ыалдьыбыт дьоҥҥо мэдиссиинэ көмөтүн оҥорорго эбии үбүлээһин көрүллүүтүн хааччыйыахтаахтар. Быраас көрүүтүнэн дьиэлэригэр эмтэнэр дьоҥҥо эмп атыылаһалларыгар үп көрүллэр.
Балыыһаларга ИВЛ (кислород) саппааһын тэрийиигэ миэрэлэри ыларга итиэннэ бэс ыйын 30 күнүгэр диэри иһитиннэрэргэ Минпромторга сорудахтаатылар.
Москваҕа Доруобуйа харыстабылын министиэристибэтигэр уонна Бырабыыталыстыбаҕа коронавирустаабыт дьоҥҥо көмө оҥорор инниттэн, федеральнай мэдиссиинэ тэрилтэлэрин хайысхаларын уларытар туһунан боппуруоһу көрөргө уонна от ыйын 1 күнүгэр диэри иһитиннэрэллэригэр эттилэр.
Эрэгийиэн салайааччыларыгар куойка саппаас ахсаанын тэрийэргэ уонна нэһилиэнньэ быһыыны ылар кыаҕын туһунан иһитиннэрэри сорудахтаатылар.
Доруобуйа харыстабылын, Үөрэҕирии министиэристибэлэригэр уонна Роспотребнадзорга коронавируһунан ыалдьа сылдьыбыт дьоҥҥо быһыы болдьоҕун уонна бэрээдэгин, ону тэҥэ, быһыыны ылбыт дьоҥҥо хаттаан ылыыны (ревакцинация) быһаарарга эттилэр.
Росэрэсиэрбэҕэ, Доруобуйа харыстабылын уонна Үп министиэристибэлэрэ “Спутник Лайт” 4 мөлүйүөнтэн итэҕэһэ суох вакцинатын Арассыыйа эрэгийиэннэригэр тиэрдиигэ Бырабыыталыстыбаҕа бэс ыйын 25 күнүгэр диэри бырайыак дьаһалын киллэрэллэригэр эттилэр.