Михаил Мишустин килиэп астааччылары өйүүр быраабыланы бигэргэттэ
Килиэп астааччылары хайдах өйүөхтэрэй
Килиэби астыыр бэкээринэлэргэ бородууксуйаны атыылаһалларыгар ороскуоттарын сорох чааһын толуйуохтара. Маннык толуйуу туһунан быраабыланы Бырабыыталыстыба Бэрэссэдээтэлэ Михаил Мишустин бигэргэттэ.
Толуйуу кээмэйэ туоннатыгар уонна кылгас болдьохтоох харайыллар оҥоһуктарга — 2 тыһыынча солкуобай. Толуйууну ылбыт тэрилтэ бэйэтин бородууксуйатыгар сыанатын торумнуохтаах.
Сууккаҕа 15 туонна килиэби буһарар дьоҕус тэрилтэлэргэ ый үлэлээтэхтэринэ өйөбүл кээмэйэ — 1 мөл солкуобай, бөдөҥ тэрилтэлэргэ (сууккаҕа 60 туоннаҕа диэри) – 3,6 мөл солк. тахса. Тыа хаһаайыстыбатын министиэристибэтин уонна эрэгийиэн былаастарын кытта сөбүлэһиигэ олоҕуран бу үп тиэрдиллиэҕэ.
Килиэби астааччылары өйүүр туһунан кэлимсэ миэрэлэри Владимир Путин сорудаҕар олоҕуран ылыннылар. Дойду баһылыга тирэх бородуукталарга сыана ыарааһыныгар тутатына дьаһанарга сорудахтаабыта.
РФ Бырабыыталыстыбатын саайтыттан
Бэлэмнээтэ Женни Стрюкова
Хаартыска: тустаах саайтан.